Simite me djathë dhe sallam

Për brumin e simites:

250 ml qumësht i vakët

1 lç maja e thatë

1 lgj sheqer

1 lç kripë

1 e bardhë veze

30 ml vaj

450-500 gr miell

Mbushja:

6 lk ketchup

100 gr djathë pice

360 gr sallam 

1 domate

1 spec jeshil

1 e verdhë veze

1 lgj qumësht

Përgatitja:

Në një tas vendosim qumështin e vakët. Shtojmë në të 1 lugë supe maja të thatë, sheqer, vaj, një të bardhë veze e kripë dhe i përziejmë bashkë. Më pas shtojmë pak nga pak miellin dhe fillimisht e përziejmë me lugë druri e më pas lidhim brumin duke e punuar pak me duar. E vendosim në një tas dhe e mbulojmë duke lënë brumin të pushojë për 20- 30 minuta.

Pasi të kalojë kjo kohë, e punojmë brumin shumë pak  dhe e ndajmë në 6 lulaçë të barabartë. I japim formën e rrumbullakët dhe i vendosim në një tepsi ku më parë kemi shtruar letër  pjekje. I lëmë të pushojnë dhe 10 minuta të tjera. 

Pas 10 minutave me fundin e një gote bëjmë nga një gropë në qendër të simites duke e shpuar më pas me pirun. Vendosim në këto gropëza nga një lugë kafe ketchup. Lyejmë pjesët anësore të simites me të verdhë veze të përzierë me një lugë gjelle qumësht. Vendosim nga pak djathë të grirë hollë e më pas anash gropëzës vendosim feta sallami. Në qendër shtojmë nga pak domate të prerë në kubikë, pak speca nëse preferoni e në fund përsëri pak djathë të grirë hollë. I vendosim në furrën e parangrohur më parë në temperaturën 180 gradë për 20-25 minuta.